ရန်ကုန်၊ ဇွန် ၃
ရန်ကုန်တိုင်းဒေသကြီး၊ လှည်းကူးမြို့နယ်ရှိ မြေဧက ၂၀၀ တွင် ရုပ်ရှင်မြို့တော်စီမံကိန်းမြေ တည်ဆောက်ရေးအတွက် စီးပွားရေးလုပ်ငန်းရှင်များကို ဖိတ်ခေါ်ထားကြောင်း ဇွန် ၁ ရက်၊ နေ့စွဲဖြင့် မြန်မာနိုင် ငံရုပ်ရှင်အစည်းအရုံး၏ ထုတ်ပြန်ချက်အရ သိရသည်။
“ဒီမြေဧက ၂၀၀ မှာ ရုပ်ရှင်နဲ့ပတ်သက်တဲ့ ရိုက်ကူးရေးလုပ်မယ်။ ကြော်ငြာရိုက်မယ်။ အဲဒီအတွက် မြန်မာနိုင်ငံရုပ်ရှင်အစည်းအရုံးရဲ့ အလွှာပေါင်းစုံဖြစ်တဲ့ ရုပ်ရှင်ထုတ်လုပ်သူ၊ ရုပ် ရှင်ကုမ္ပဏီ၊ ရုပ်ရှင်ရုံပိုင်ရှင်နဲ့ ရုပ်ရှင်နယ်ပယ်ကို စိတ်ဝင်စားတဲ့ စီးပွားရေးလုပ်ငန်းရှင်တွေ ဖိတ်ခေါ်ထားပါတယ်”ဟု မြန်မာနိုင်ငံရုပ်ရှင်အစည်းအရုံးက တာဝန်ရှိသူတစ်ဦးက ယနေ့ခေတ်သို့ ပြောသည်။
အဆိုပါ ရုပ်ရှင်မြို့တော်ခြံကြီးကို နိုင်ငံတော်က မြန်မာနိုင်ငံရုပ်ရှင်အစည်းအရုံးသို့ နှစ် ၃၀ လုပ်ပိုင်ခွင့်ပြုထားကြောင်း သိရသည်။
ရုပ်ရှင်မြို့တော်ခြံကြီးသည် လှည်းကူးမြို့နယ်၊ ရန်ကုန်-မန္တလေးအမြန်လမ်း မိုင်တိုင် ၂ဝ၊ ၄ ဖာလုံတွင်တည်ရှိပြီး မြေဧက ၂ဝဝ ပေါ်တွင် စီမံကိန်းမြေကို အမြန်ဆုံးအကောင်အထည်ဖော်ဆောင်ရွက်သွားမည်ဖြစ်ကြောင်း သိရသည်။
ရုပ်ရှင်မြို့တော်ခြံကြီးတွင် ရုပ်ရှင်စင်တင်၊ စတူဒီယိုအသံသွင်းမှု၊ ရုပ်ရှင်ရိုက်ကူးရေး၊ သရုပ်ဆောင်များနှင့် ရုပ်ရှင်အဖွဲ့သားများ နားနေနိုင်မည့် နားနေဆောင်များနှင့် စားသောက်ဆိုင်များပါဝင်မည်ဖြစ်ကြောင်း သိရသည်။
မြင့်မြတ်အောင်မြင် ဓာတ်ပုံ – CJ
လှည်းကူးတွင် ရုပ်ရှင်မြို့တော်စီမံကိန်းမြေ တည်ဆောက်ရေးအတွက် စီးပွားရေးလုပ်ငန်းရှင်များ ဖိတ်ခေါ် အတွက် မှတ်ချက်များ 0 ခုရှိပါတယ်