ရန်ကုန်၊ ဩဂုတ် ၁၇
မြန်မာသမ္မတ ဦးမင်းအောင်လှိုင်သည် နှစ်နိုင်ငံဆက်ဆံရေးနှင့် မဟာဗျူဟာမြောက်ပူးပေါင်းဆောင်ရွက်မှု ခိုင်မာစေရန်အတွက် ရုရှားသမ္မတ ဗလာဒီမာပူတင်နှင့်ဆွေးနွေးရန် ရုရှားသို့ တရားဝင်ခရီးစဉ် စတင်ခဲ့ကြောင်း နိုင်ငံပိုင်မီဒီယာများက ဖော်ပြသည်။
သမ္မတ ဦးမင်းအောင်လှိုင်သည် တနင်္လာနေ့နံနက်တွင် အစိုးရအဖွဲ့ဝင်များနှင့်အတူ နေပြည်တော်မှထွက်ခွာသွားသည်။ သမ္မတဦးမင်းအောင်လှိုင်သည် သမ္မတ ပူတင်အပါအဝင် အခြားရုရှားထိပ်တန်းအရာရှိများနှင့်တွေ့ဆုံပြီး ရှိ ရင်းစွဲချစ်ကြည်ရင်းနှီးမှုနှင့် ဆက်ဆံရေးပိုမိုခိုင်မာလာစေရေးအပြင် စီးပွားရေး၊ လုံခြုံရေး၊ လူမှုရေး စသည့်ကဏ္ဍများတွင် အပြန် အလှန်အကျိုးဖြစ်ထွန်းစေမည့် မဟာဗျူဟာမြောက် ပူးပေါင်းဆောင်ရွက်မှုများ တိုးမြှင့်ဖော်ဆောင်နိုင်ရေးကို အဓိကထားဆွေးနွေးသွားမည်ဖြစ်သည်ဟု သမ္မတပြောရေးဆိုခွင့်ရှိသူ ဒေါ်ခိုင်ခိုင်စိုးက တယ်လီဂရမ်တွင် ရေးသားထားသည်။
တရုတ်နိုင်ငံနှင့်အတူ ရုရှားသည် မြန်မာနိုင်ငံကို နိုင်ငံရေးအရထောက်ခံပြီး လက်နက်ထောက်ပံ့သည့်နိုင်ငံဖြစ်သည်။ ရုရှားလုပ်တိုက်လေယာဉ်များကို အတိုက်အခံ လက်နက်နိုင်တပ် ဖွဲ့များနှင့် တိုင်းရင်းသားလူနည်းစုများ၏ ထိန်းချုပ်မှုအောက်ရှိ နယ်မြေများကို တိုက်ခိုက်ရာတွင် အသုံးပြုခဲ့သည်။
ဦးမင်းအောင်လှိုင်သည် စက်တင်ဘာလတွင် ရုရှားတွင်ကျင်းပသည့် ကမ္ဘာ့အဏုမြူရက်သတ္တပတ်ဖိုရမ်တွင် ပူတင်နှင့်တွေ့ဆုံခဲ့သည်။ ပူတင်သည် မြန်မာနိုင်ငံသို့ လာရောက်လည်ပတ်ခဲ့ခြင်းမရှိသေးပါ။
ဤခရီးစဉ်သည် နိုင်ငံတကာ၏ အသိအမှတ်ပြုမှုကို ခိုင်မာစေရန်နှင့် သံတမန်ရေးအဆင့်အတန်း ပြန်လည်မြှင့်တင်ရန် ကြိုးပမ်းနေသည့် အိမ်နီးချင်းတရုတ်၊ အိန္ဒိယ၊ လာအိုနှင့် ထိုင်းနိုင်ငံ အပါအဝင် နိုင်ငံခြားနိုင်ငံများသို့ သွားရောက်ခဲ့သည့် ခရီးစဉ်များထဲမှ နောက်ဆုံးခရီးစဉ်ဖြစ်သည်။
ဦးမင်းအောင်လှိုင်သည် ခရီးစဉ်အတွင်း မြန်မာ-ရုရှား စီးပွားရေးဖိုရမ်သို့လည်း တက်ရောက်မည်ဟု အစိုးရပိုင်မီဒီယာများတွင် ဖော်ပြထားသည်။
ကုလသမဂ္ဂကျွမ်းကျင်သူများနှင့် လူ့အခွင့်အရေးအဖွဲ့များက လွတ်လပ်မှု၊ တရားမျှတမှုမရှိကြောင်း ဝေဖန်ခဲ့သော အထွေထွေရွေးကောက်ပွဲအပြီး ဦးမင်းအောင်လှိုင်သည် ဧပြီလတွင် သမ္မတအဖြစ် ကျမ်းသစ္စာကျိန်ဆိုခဲ့သည်။ ဝေဖန်သူများက ဒီဇင်ဘာလနှင့် ဇန်နဝါရီလတွင် အဆင့်လိုက်ကျင်းပခဲ့သော ရွေးကောက်ပွဲများကို အတုအယောင်တစ်ခုအနေဖြင့် ပယ်ချခဲ့သည်။ ဦးမင်းအောင်လှိုင်က အရပ်သားအုပ်ချုပ်ရေးကို ပြန်လည်ထူထောင်ရန် ရည်ရွယ်ခဲ့သည်။
၂၀၂၁ ခုနှစ်၊ ဖေဖော်ဝါရီလတွင် နိုင်ငံရေးအငြင်းပွားမှုများကြောင့် အာဏာသိမ်းမှုဖြစ်ပွားခဲ့ပြီးနောက် ဦးမင်းအောင်လှိုင်၏ ရုရှားနိုင်ငံသို့ ခုနစ်ကြိမ်မြောက် ခရီးစဉ်ဖြစ်သည်။
ခရီးစဉ်အတွင်း နိုင်ငံတော်သမ္မတသည် ရုရှားဖက်ဒရေးရှင်းနိုင်ငံသမ္မတနှင့် တွေ့ဆုံဆွေးနွေးမည်ဖြစ်ပြီး ရုရှားနိုင်ငံဝန်ကြီးချုပ်၊ ရုရှားနိုင်ငံ ဒူးမားလွှတ်တော်ဥက္ကဋ္ဌနှင့် ရုရှားအစိုးရပိုင်းမှ တာဝန်ရှိပုဂ္ဂိုလ်များနှင့်လည်း သီးခြားတွေ့ဆုံဆွေးနွေးသွားမည်ဖြစ်ကြောင်း သိရသည်။
ရုရှား-မြန်မာနှစ်နိုင်ငံသည် ပူးတွဲစစ်ရေးလေ့ကျင့်မှုများပြုလုပ်ခဲ့ပြီး နျူကလီးယားစွမ်းအင် ဖွံ့ဖြိုးတိုးတက်ရေး သဘောတူညီချက်ကို လက်မှတ်ရေးထိုးခဲ့ကာ မြန်မာနိုင်ငံ၏ ပထမ ဆုံးအာကာသယာဉ်မှူး ရွေးချယ်ခြင်းနှင့် လေ့ကျင့်ပေးခြင်းအပါအဝင် အာကာသယာဉ်တွင်လိုက်ပါမည့် စီမံကိန်းများတွင် ပူးပေါင်းဆောင်ရွက်ရန် သဘောတူညီခဲ့ကြသည်။
rdf: apnews.com
#ယနေ့ခေတ်
မြန်မာသမ္မတ ဦးမင်းအောင်လှိုင် မော်စကိုနှင့် မဟာဗျူဟာမြောက်ဆက်ဆံရေး နက်ရှိုင်းစေရန် ရုရှားသို့သွားရောက် အတွက် မှတ်ချက်များ 0 ခုရှိပါတယ်