ရန်ကုန်၊ မတ် ၁
ပဲခူးတိုင်း၊ တောင်ငူမြို့တွင် နေအိမ်နှစ်လုံးမီးလောင်ကျွမ်းခဲ့ကြောင်း သိရသည်။
မတ်လ ၁ ရက်၊ နေ့လည် ၂ နာရီခန့်က တောင်ငူမြို့၊ မိုးကောင်းအုပ်စု၊ ကချောင်းကျေးရွာတွင် နေအိမ်နှစ်လုံး မီးလောင်ကျွမ်းခဲ့ကြောင်း သိရသည်။ မီးလောင်ရခြင်း၏အကြောင်းအ ရင်းကို သက်ဆိုင်ရာမှစုံစမ်းနေဆဲဖြစ်ကြောင်း သိရသည်။
“မီးလောင်တာတော့ တိတိကျကျမသိရသေးဘူး။ ဝါယာရှော့ဖြစ်ပြီးလောင်တာလည်းဖြစ်နိုင်သလို။ ပေါ့ဆမီးလည်းဖြစ်နိုင်တယ်ပေါ့နော်။ ဆုံးရှုံးမှုကတော့ နေအိမ်နှစ်လုံးအကုန်ပြာကျသွားတယ်။ လူထိခိုက်မှုတော့ မရှိပါဘူး။” ဟု ဒေသခံလူမှုကယ်ဆယ်ရေးအသင်းမှ အသင်းဝင်တစ်ဦးက ယနေ့ခေတ်သို့ ပြောသည်။
မီးလောင်မှုသည့် နေ့လည် ၂ နာရီ၊ မိနစ် ၃၀ တွင် စတင်လောင်ကျွမ်းခဲ့ကြောင်း သိရသည်။ အဆိုပါမီးလောင်ကျွမ်းမှုကို နယ်မြေခံမီးသတ်တပ်ဖွဲ့နှင့် ဒေသခံလူမှုကူညီရေးအသင်းများက ဝိုင်းဝန်းမီးငြိမ်းသတ်ခဲ့ကြောင်း သိရသည်။
ပဲခူတိုင်း၊ တောင်ငူမြို့တွင် ယခုရက်ပိုင်းအတွင်း မီးလောင်ကျွမ်းမှု လေးကြိမ်ဖြစ်ပွားခဲ့ကြောင်း သိရသည်။
#ချစ်ချစ်ခိုင်
ဓာတ်ပုံ- မြန်မာနိုင်ငံလူမှူ့ကယ်ဆယ်ရေးအဖွဲ့ S.T.T RESCUE(တောင်ငူ)
#ယနေ့ခေတ်
တောင်ငူမြို့တွင် နေအိမ်နှစ်လုံးမီးလောင်ကျွမ်း အတွက် မှတ်ချက်များ 0 ခုရှိပါတယ်