စင်္ကာပူ၊ ဇွန် ၂၅
စင်္ကာပူနိုင်ငံ၊ Woodlands စစ်ဆေးရေးဂိတ်တွင် ဇွန်လ ၂၃ ရက်၊ တနင်္လာနေ့က ဆေးခြောက် တစ်ကီလိုဂရမ်နှင့် အိုက်စ်များပါဝင်သည့် မူးယစ်ဆေးဝါးမှောင်ခိုကူးသူ အသက် ၄၆ နှစ်အရွယ် မလေးရှားနိုင်ငံသား အမျိုးသမီးတစ်ဦးကို ဖမ်းဆီးလိုက်ကြောင်း သိရသည်။
လူဝင်မှုကြီးကြပ်ရေးနှင့် စစ်ဆေးရေးဂိတ်အာဏာပိုင် (ICA) မှ အရာရှိများက စစ်ဆေးရေးဂိတ်သို့ ရောက်ရှိလာသော မလေးရှားနိုင်ငံမှတ်ပုံတင်ထားသည့် မော်တော်ဆိုင်ကယ်အား စစ်ဆေးမှုများပြုလုပ်ရန် ညွှန်ကြားခဲ့သည်။
စစ်ဆေးစဉ်အတွင်း ထိန်းချုပ်ထားသော မူးယစ်ဆေးဝါးများပါ၀င်သည်ဟုသံသယရှိသည့် အထုပ်နှစ်ထုပ်ကို ဆိုင်ကယ်ရှေ့မျက်နှာစာအောက်၌ ဖုံးကွယ်ထားသည်ကို တွေ့ရှိခဲ့ကြောင်း ICA နှင့် ဗဟိုမူးယစ်ဆေးဗျူရို (CNB) ၏ ဗုဒ္ဓဟူးနေ့ကပြုလုပ်သည့် ပူးတွဲသတင်းထုတ်ပြန်ချက်တစ်ခုတွင် ပြောကြားသည်။
CNB ကသတိပေးခဲ့ပြီး နောက်ထပ်စစ်ဆေးမှုများတွင် အဆိုပါနေရာမှ စုစုပေါင်းအထုပ်ခုနစ်ခုကို တွေ့ရှိခဲ့သည်။
ဆေးခြောက် ၁,၀၅၇ ဂရမ်နှင့် အိုက်စ် ၉၇၃ ဂရမ်ပါဝင်သောအထုပ်များသည် ခန့်မှန်းခြေတန်ဖိုး စင်ကာပူဒေါ် လာ ၁၄၂,၀၀၀ (အမေရိကန်ဒေါ်လာ ၁၁၁,၉၀၀) ကျော်ရှိသည်။
မှောင်ခိုသမားများသည် တစ်ပတ်လျှင် အလွဲသုံးစားလုပ်သူ ၇၀၀ ခန့်ကို အလုပ်ပေးနိုင်သည်ဟု ICA နှင့် CNB ကပြောကြားပြီး စုံစမ်းစစ်ဆေးမှုများ ဆက်လက်လုပ်ဆောင်နေကြောင်း သိရသည်။
စင်္ကာပူနိုင်ငံသို့ စိတ်ကြွဆေး ၂၅၀ ဂရမ် သို့မဟုတ် ဆေးခြောက် ၅၀၀ ဂရမ်အထက်တင်သွင်းခြင်း သို့မဟုတ် တင်ပို့ခြင်းအတွက် အပြစ်ရှိကြောင်းတွေ့ရှိပါက မည်သူမဆို သေ ဒဏ်ကျခံရနိုင်သည်။
ICA မှ CNB နှင့် ဆက်လက်ပူးပေါင်းဆောင်ရွက်သွားမည်ဖြစ်ပြီး စင်ကာပူနယ်စပ်တစ်လျှောက် မူးယစ်ဆေးဝါးများ ခိုးသွင်းရန်ကြိုးပမ်းမှုများကို တားဆီးနိုင်မည်ဖြစ်ကြောင်း ပြောကြားသည်။
Ref: CNA
#ယနေ့ခေတ်
စင်္ကာပူနိုင်ငံ ဆေးရေးဂိတ်တစ်ခုတွင် ဆေးခြောက် တစ်ကီလိုဂရမ်နှင့် အိုက်စ်များ သိမ်းဆည်းရမိ အတွက် မှတ်ချက်များ 0 ခုရှိပါတယ်