ရန်ကုန်၊ ဇွန် ၂၇
ရန်ကုန်-မန္တလေးအမြန်လမ်းတွင် နေပြည်တော်မှ ရန်ကုန်သို့မောင်းနှင်လာသည့် Yutong အမျိုးအစား ခရီသည်တင် Express သည် လမ်းဘေးတွင်ရပ်ထားစဉ် အနောက်မှမောင်းနှင်လာသည့် Scania အမျိုးအစား Express ကဝင်တိုက်ခြင်းကြောင့် ခရီးသည် ၁၀ ဦးဒဏ်ရာရရှိခဲ့ကြောင်း သိရသည်။
ယမန်နေ့(ဇွန်လ ၂၆ ရက်)၊ ညနေ ၃ နာရီ ၅၀ မိနစ်က ရန်ကုန်-မန္တလေးအမြန်လမ်း မိုင်တိုင်အမှတ် (၇၀/၄-၅) ဖာ လုံကြားတွင် နေပြည် တော်မှ ရန်ကုန်သို့မောင်းနှင့်လာသည့် Yutong အမျိုးအစား ခရီသည်တင် Express သည် လမ်းဘေးတွင်ရပ်ထားစဉ် အနောက်မှမောင်းနှင်လာသည့် Scania အမျိုးအစား Express က ဝင်တိုက်ခြင်းကြောင့် Scania ယာဉ်ပေါ်ပါခရီးသည် ၂၇ ဦးအနက် အမျိုးသမီးငါးဦးနှင့်၊ အမျိုးသားငါးဦး ဒဏ်ရာရရှိခဲ့ကြောင်း သိရသည်။
“အရှေ့က စက်ချို့ယွင်းလို့ရပ်ထားတဲ့ကားကို အနောက်ကနေဝင်တိုက်တာဗျ။ ဒဏ်ရာရရှိသူကတော့ အမျိုးသားငါးယောက်နဲ့ အမျိုးသမီးငါးယောက်။ ဒဏ်ရာပြင်းထန်သူတော့ တစ်ယောက်ပဲပါတယ်။ အသက်အန္တရာယ်တော့ မစိုးရိမ်ရဘူး။ ရပ်ထားတဲ့ကားပေါ်မှာတော့ ခရီးသည်မပါဘူး။” ဟု အမြန်လမ်းမီးသတ်တပ်ဖွဲ့မှ တာဝန်ရှိသူတစ်ဦးက ယနေ့ခေတ်သို့ ပြောသည်။
အဆိုပါယာဉ်တိုက်မှုတွင် ဒဏ်ရာရရှိသူများကို ကြက်ခြေနီအသင်းနှင့် အမြန်လမ်းမီးသတ်တပ်ဖွဲ့က မြို့ချောင်းတိုက်နယ်ဆေးရုံကြီးသို့ ပိုဆောင်ပေးခဲ့ကြောင်း သိရသည်။
ဇွန်လ ၅ ရက်နေ့ကလည်း ရန်ကုန်-မန္တလေးအမြန်လမ်းမကြီး မိုင်တိုင်အမှတ် (၇၇/၅-၆)ဖာလုံကြားတွင် ယာဉ်မောင်းအိပ်ငိုက်ပြီး အရှိန်မထိန်းနိုင်၍ လမ်းလယ်ကျွန်းရှိ ခရေပင်ကိုဝင်တိုက်မိကာ ကလေးငယ်အပါအဝင် လေးဦးဒဏ်ရာရရှိခဲ့ကြောင်း သိရသည်။
#ချစ်ချစ်ခိုင်
ဓာတ်ပုံ-အမြန်လမ်းမီးသတ်
#ယနေ့ခေတ်
ရန်ကုန်-မန္တလေးအမြန်လမ်းတွင် ယာဉ်တိုက်မှုဖြစ် ၁၀ ဦးဒဏ်ရာရ အတွက် မှတ်ချက်များ 0 ခုရှိပါတယ်